“Biz məktəbi testə uduza bilmərik. Uduzmuşuq, indi bunun acı nəticələrini yaşayırıq, nazirin etirafı da bunun bir göstəricisidir”.

Bunu Valyuta.az-a açıqlamasında təhsil eksperti Elmin Nuri elm və təhsil naziri Emin Əmrullayevin "Azərbaycan dilindən imtahanda maksimum nəticə göstərən abituriyent bir səhifəlik esse yaza bilmir" ifadəsinə münasibətində deyib. Ekspert nazirin bu fikirinin birmənalı qarşılanmadığını bildirib:

“Halbuki nazirin bu fikiri uzun illərdən bəri mövcud olan reallıqlardandır. Azərbaycan dili fənnindən maksimum nəticə göstərən abituriyent esse yaza bilmir. Nazirin bu etirafı bir çox problemləri özündə əks etdirir. Bunun birinci mahiyyəti ondan ibarətdir ki, biz bu gün düşünə bilmirik. Esse nədir? Öz fikirini ifadə etmək, arqumentlərlə, faktarla əsaslandlrmaq metodudur. Buz bundan uzağıq”.

Emin Nuri hesab edir ki, əgər ən güclü abituriyentlər buna hazır deyilsə, bundan danışmağa dəyməz:

“Bu cümlə ondan ibarətdir ki, biz əslində sabahını düşünən şagirdi itirmişik. O öz situasiyaya görə fikirlərindən nəticə çıxartmaq, qərar vermək bacarığında deyil. Bir səhifəlik esse yaza bilməmək o demək deyil ki, bu yalnız yazmaq məharətinə malik deyil, xeyir. Yuxarı dediyimiz bütün göstəricilər bu cümlə ilə ifadə olunur. Bu çox təsirləndirici məqamdır. Səbəbi nədən ibarətdir? Bizim məktəb testə uduzub. Sanki insanlar 11 il ona görə oxuyurlar ki, axırda ciddi-cəhdlə ali təhsil müəssisələrinə qəbul imtahanlarında yaxşı nəticə göstərsinlər. Əvvəl yenə hazırlıqlar 10-11-ci sinifdən başlayırdı, indi 6-7 sinifdən başlayır”.

Ekspert əlavə edib ki, bu gün yerli təhsildə əsas sözü Dövlət İmtahan Mərkəzinin qəbul prosesi deyir:

"Məsələn, 1-ci qrupdan fizikanı çıxardıb yerinə idmanı əlavə etsək görəcəyik ki, hamı idmanı əzbərləyib. Təhsilin vizionu məktəbdə deyil, test imtahanına hazırlıq prosesində müəyyənləşir. Ona görə də repetitorlar at oynadır. Onların maddi gücü, hörməti nüəllimdən qat-qat çoxdur. Bu bağışlanmaz bir səhvdir".

Aylin