Monobank 180-dən çox ölkəyə fiziki mono kartların beynəlxalq çatdırılmasına başlayıb.

Valyuta.az xəbər verir ki, bu barədə şirkətin həmtəsisçisi Oleq Qoroxovski bildirib.

“Artıq bizimləsinizsə və plastik karta ehtiyacınız varsa, sifariş edin. Əgər siz çoxdan xaricdən mono müştəri olmaq istəmisinizsə (yalnız Ukrayna rezidentləri üçün) - sifariş edin", - Qoroxovski yazıb.

Siz fiziki kartın qeydiyyatı menyusunda çatdırılmanı təşkil edə bilərsiniz.

Monobankın ortaq sahibinin sözlərinə görə, bu, Ukrayna bankları arasında müştərilərə kartların beynəlxalq çatdırılmasının ilk texnoloji tətbiqidir.

Qeyd edək ki, Monobank 2017-ci ildə istifadəyə verilmiş İnternet bankçılıq və eyni adlı virtual bank üçün Ukrayna tətbiqidir. Universal Bankın bank lisenziyası əsasında fəaliyyət göstərir.

Nicat