Beynəlxalq firmanın auditi Rusiyanın qaz nəhəngi “Qazprom”un Moldova hökumətinin ona 800 milyon dollar borcu olması ilə bağlı iddialarını təkzib edib.

Qaynarinfo xəbər verir ki, bu barədə bazar günü Moldova prezidenti Maya Sandu deyib.

Moldova əvvəllər Rusiyadan təbii qaz alıb. Lakin 2021-ci ilin sonunda “Qazprom” və onun Moldovadakı törəmə şirkəti sabit tədarükün davamlı olmasını təmin etmək üçün ödənilməli olan yüz milyonlarla dollarlıq borc toplanddığını söyləyib.

Bir il əvvəl “Qazprom” borcu 709 milyon dollar hesablamışdı, baxmayaraq ki, bu məbləğ faizlərlə arta bilərdi.

Sandu açıq iclasda bildirib ki, audit bu iddiaları təkzib edib, baxmayaraq ki, onun dediklərindən hansısa kiçik bir borcun olub-olmadığı da aydın olmayıb.

Sandu bildirib ki, Kişinyov hökuməti yaxın günlərdə auditin nəticələri ilə bağlı rəsmi açıqlama verəcək.

“Bu hələ ictimaiyyətə məlum deyil, amma gələn həftə hökumətimiz çıxıb deyəcək ki, biz beynəlxalq şirkəti işə cəlb etmişik, audit aparmışıq və onlar bildirib ki, bizim Qazprom-a 800 milyon dollar borcumuz yoxdur”, - Moldovanın Nokta nəşri Sandudan sitat gətirib.

Avropayönlü Moldova hökuməti ötən ilin dekabrından qazı digər Avropa mənbələrindən alır.

Xəbər verildiyi kimi, Moldova hökuməti bir neçə istilik mövsümü senarisi üçün plan hazırlayıb ki, onlardan biri Qazpromdan sağ sahil üçün qaz alışının bərpasını, digəri isə tədarükün tamamilə dayandırılmasını nəzərdə tutur.

Nicat