Amerikalı tədqiqatçılar müəyyən ediblər ki, alkoqol sərxoşluğu ətrafdakı insanların cəlbedicilik səviyyəsinin müəyyənləşdirilməsinə təsir etmir. 

Valyuta.az xəbər verir ki, bu barədə “The Guardian” nəşri “Journal of Studies on Alcohol and Drugs”da dərc olunan araşdırmaya istinadən məlumat yayıb.

Stanford Prevention Research Center professoru Molly Bodring və Pittsburgh Universitetinin professoru Maykl Saett "pivə şüşələri" effektinin - intoksikasiya zamanı fiziki cazibənin artmasının mövcudluğunu təkzib etdilər.
Təcrübə zamanı onlar 18 kişi dostu öz laboratoriyalarına dəvət edərək foto və videolarda qadın və kişilərin cəlbedicilik səviyyəsini müəyyən etməyi xahiş ediblər.

"İştirakçıları baxdıqları fotoşəkillərdəki şəxslərin gələcəkdə qarşılıqlı əlaqə qura biləcəkləri insanlar olduğuna inandırmaqla, tədqiqat qrupu bu sahədə əvvəlki tədqiqatlarda əskik olan gözəl bir realizm elementi əlavə edib", - Edge Hill Universitetindən psixologiya professoru Rebekka Monk deyib.

Belə görüşlərin bəzilərində kişilər sərinləşdirici içkilər, bəzilərində isə zoğal suyu ilə müəyyən miqdarda araq içiblər. Onların qan-spirt konsentrasiyası İngiltərə, Uels və Şimali İrlandiyada, eləcə də ABŞ-ın bir çox ştatlarında avtomobil sürmək üçün qanuni hədd olan 0,08% olub. 

Fotoşəkildəki insanların cəlbediciliyi ilə bağlı eksperiment iştirakçılarının təsəvvürləri spirtli içkiyə görə dəyişməyib. Bununla belə, elm adamları onların cəsarətlərinin artdığını qeyd ediblər.

Beləliklə, sərxoş vəziyyətdə olan subyektlər potensial görüş üçün daha cəlbedici insanları 1,71 dəfə daha çox seçiblər. 

Molli Bodrinq hesab edir ki, bu araşdırma spirtin faydalı, lakin potensial təhlükəli təbiətini aşkar edə bilər.

"İnsanlar alkoqol qəbulu zamanı dəyərli sosial motivlərin və niyyətlərin dəyişdiyini qəbul etməkdən faydalana bilər ki, bu da qısa müddətdə cəlbedici, lakin uzun müddətdə zərərli ola bilər", - professor deyib.

Nicat