“Qazprom”un beynəlxalq maliyyə hesabatları standartlarına (BMHS) əsasən səhmdarlara aid xalis mənfəəti 2023-cü ilin birinci yarısında 296,2 milyard rubla düşüb. 

Valyuta.az xəbər verir ki, bu barədə şirkətin hesabatında deyilir.

Sənədə əsasən, “Qazprom”un mənfəəti 2022-ci ilin eyni dövrü ilə müqayisədə 8,5 dəfə azalıb, o zaman bu rəqəm 2,5 trilyon rubl təşkil edib.

“Qazprom”un İdarə Heyətinin sədr müavini Famil Sadıqovun qeyd etdiyi kimi, mənfəətin azalması hesabat dövründə rublun məzənnəsinin dollara nisbətdə 24%, avroya qarşı 26% ucuzlaşması fonunda məzənnə fərqlərinin təsiri ilə bağlıdır. 

Bundan əvvəl Vygon Consulting şirkətinin tədqiqat direktoru Mariya Belova proqnozlaşdırmışdı ki, Qazprom-un Avropaya qaz satışından əldə etdiyi gəlir 2023-cü ilin sonuna qədər dörd dəfə azalaraq 30 milyard dollara çata bilər.

İyulun 5-də Strateji Araşdırmalar Mərkəzinin Yanacaq-energetika Kompleksinin İqtisadiyyatı Mərkəzinin direktoru Aleksandr Amiraqyan bildirib ki, "Qazprom" Ukrayna vasitəsilə Avropaya təqribən 10-15 milyard kubmetr qaz nəqlinə görə ildə təxminən 4-5 milyard dollar gəlir əldə edir.

Həmçinin bildirilib ki, “Qazprom” Xorvatiyanın “Hayduk” futbol klubuna komandanın baş sponsoru olmaq üçün rəsmi təklif edib.

Nicat