Quraqlıq və su qıtlığı bir sıra Avropa ölkələrində məhsuldarlığın azalmasına səbəb olur. 

Valyuta.az Britaniyanın "Financial Times" (FT) qəzetinə istinadla xəbər verir ki, vəziyyət anomal isti temperatur, artan meşə yanğınları və hökumətin zəif siyasəti ilə daha da ağırlaşır.

Qəzetin yazdığına görə, 1976-2006-cı illər arasında Avropa İttifaqı ölkələrində quraqlıqların sayı və intensivliyi təqribən 20% artıb və hazırda böyüməkdə davam edir. Eyni zamanda, ekspertlər 2030-cu ilə qədər mövcud təchizatı 56% üstələyəcək şirin suya qlobal tələbatın daim artacağını proqnozlaşdırırlar.

Nəşr su qıtlığı fonunda Avropada iğtişaşların artacağını proqnozlaşdırır və misal kimi qitənin ən böyük su istehlakçısı olan Fransa və İspaniyada fermerlər arasında toqquşmaları göstərir.

“Financial Times hesab” edir ki, pis siyasət, şəxsi maraqlar və sürətli iqlim dəyişikliyinin birləşməsi vəziyyəti daha da gərginləşdirə bilər. Su qıtlığının təsirini təkcə fermerlər deyil, həm də enerji istehsalçıları hiss edəcək, çünki su atom elektrik stansiyalarını soyutmaq və su elektrik enerjisi istehsal etmək üçün lazımdır.

Qeyd edək ki, bir qədər əvvəl İstanbul quraqlıq təhlükəsi ilə əlaqədar vətəndaşları suya qənaət etməyə çağırıb.

Nicat