“Google”un Rusiyada kreditorlara borcu 20 milyard rublu keçib. 

Valyuta.az xəbər verir ki, bu barədə TASS sənədlərə istinadən yazır.

Kreditorların ilk iclasında Rusiya Federasiyasında “Google”a qarşı pul tələblərinin məbləği ümumi məbləğin 97,2%-ni təşkil edir ki, bu da 20 milyard rublu ötür. “Google” korporasiyasının Rusiya bölməsinin müflis kimi tanınması və ona qarşı iflas prosedurunun açılması üçün Moskva Arbitraj Məhkəməsinə müraciət etmək qərara alınıb.

2022-ci ilin mayında korporasiyanın rusiyalı törəməsi iflas elanı ilə məhkəməyə müraciət etmək niyyətində olduğunu bildirib. Arbitraj Apellyasiya Məhkəməsi artıq Google MMC-yə ilkin iflas prosedurunu - müşahidəni tətbiq edib.

1000-dən çox Rusiya şirkəti öz iddialarını “Google”a təqdim edib. İddiaların böyük əksəriyyəti reklam materiallarının yerləşdirilməsi üzrə xidmətlərin göstərilməməsi ilə bağlıdır.

Avqustun 17-də Moskva məhkəməsi “Google”u Ukraynada keçirilən “xüsusi əməliyyat”ın gedişi haqqında yalan məlumatı və Rusiya Federasiyasında qadağan olunmuş digər məlumatları silmədiyinə görə cərimələyib.

Nicat