BRICS ölkələrinin (Braziliya, Rusiya, Hindistan, Çin, Cənubi Afrika) ümumi daxili məhsulu (ÜDM) yeni ölkələrin daxil olmasından sonra dünya ÜDM-nin 37%-ni təşkil edəcək. 

Valyuta.az xəbər verir ki, bu barədə RBC yazır.

2024-cü ildə Argentina, Efiopiya, İran, Misir, Birləşmiş Ərəb Əmirlikləri və Səudiyyə Ərəbistanı dəvətləri rəsmi olaraq qəbul edərlərsə, BRICS-ə qoşulacaqlar.

"Bundan sonra BRICS bloku alıcılıq qabiliyyəti paritetində dünya ÜDM-nin 37%-ni və dünya əhalisinin 46%-ni təşkil edəcək", Braziliya prezidenti Luiz İnasio Lula da Silva avqustun 4-də bildirib. 

RBC Beynəlxalq Valyuta Fondu və Dünya Bankının son bir ildəki məlumatları əsasında hesablama aparıb və bu rəqəmi təsdiqləyib. Hesablamada dünya əhalisinin hazırkı təxmini - 8,06 milyard nəfər nəzərə alınıb.

Hazırda beş BRICS ölkəsi qlobal ÜDM-in 31,5%-ni və dünya əhalisinin 40%-dən çoxunu təşkil edir.

BRICS-ə yeni üzv ola biləcək ən böyük ölkə Səudiyyə Ərəbistanıdır. Onun dollar ÜDM-i cari qiymətlərlə keçən ilin sonunda BVF tərəfindən 1,1 trilyon dollar səviyyəsində qiymətləndirilir. Bu, Rusiya üçün eyni göstəricinin 50%-ni təşkil edir. Əhalisinin sayına görə, Efiopiya liderdir: 2022-ci ilin sonunda Dünya Bankı onu 123 milyon nəfər olaraq qiymətləndirib. Amma ölkənin adambaşına düşən ÜDM-i ən kiçikdir - 1000 dollardan bir qədər çox, bu BƏƏ-dən 52 dəfə, Səudiyyə Ərəbistanından isə 30 dəfə azdır.

BRICS sammiti avqustun 22-24-də Yohannesburqda keçirilib. Forum Rusiya prezidenti Vladimir Putinin iştirakı olmadan son üç ildə qrup liderlərinin ilk təkbətək görüşü olub. 

Nicat