San-Fransiskoda yerli hakimiyyət iki sürücüsüz taksi xidmətininin işini genişləndirdikdən sonra sürücüsüz avtobusları istifadəyə verib. 

Valyuta.az TechXplore istinadla xəbər verir ki, marşrut yeddi dayancaqlıdır. Xidmət isə pulsuzdur.

Sürücü oturacağı və sükanı olmayan tam elektriklə işləyən nəqliyyat vasitəsi, zərurət yaranarsa, əl nəzarətçisindən istifadə edərək avtobusu idarə edə bilən növbətçi ilə təchiz olunub.

“Avtobusda müşayiətçinin olması hər kəsin özünü rahat hiss etməsinə səbəb olur. Bu, hələlik onun nəyə bənzədiyini və pilotsuz servisin aşağı həcmli, aşağı sürət mühitində necə işlədiyini görmək üçün sadəcə bir nümayişdir” - San Fransisko Dairə Nəqliyyat İdarəsinin icraçı direktoru Tilli Çanq deyib.

Sürücüsüz avtobus pilot qrant proqramı çərçivəsində fəaliyyət göstərir. O, avtonom nəqliyyat vasitələrinin ictimai nəqliyyat sistemini necə tamamlaya biləcəyini qiymətləndirmək üçün işə salınıb.

Daha əvvəl bildirilmişdi ki, Kaliforniya tənzimləyicisi bu cür avtomobillərin təhlükəsizliyi ilə bağlı narahatlıqlara baxmayaraq, iki rəqabət aparan robot taksi xidmətinə, Cruise və Waymo-ya günün istənilən vaxtında San-Fransiskoda fəaliyyət göstərməyə icazə verib.

Nicat