İtalyan Agnelli ailəsinə məxsus olan Hollandiyanın “Exor NV” investisiya şirkəti tibbi avadanlıq və istehlak məhsulları istehsalçısı “Royal Philips” şirkətinin 15%-lik səhmlərini alıb.

Valyuta.az xəbər verir ki, bu barədə “Reuters” hər iki şirkətin bəyanatlarına istinadən yazır.
 .
“Bu sövdələşmə Hollandiya şirkəti üçün 2021-ci ildə tibbi cihazlarının kütləvi şəkildə geri çağırılmasından sonra çoxdan gözlənilən etimad səsverməsidir, buna görə səhmlər dəyərinin üçdə ikisini itirib”, - agentlik qeyd edir.

Açıqlamaya görə, “Exor” qısa müddətdə “Philips”in əlavə səhmlərini almağı planlaşdırmır, lakin sövdələşmə holdinqə şirkətin payını 20%-ə çatdırmağa imkan verir.

Əməliyyatın məbləği açıqlanmır. “Philips”in bazar dəyərinə əsasən (təxminən 17,18 milyard avro), konsernin 15%-lik payı 2,6 milyard avro təşkil edir.

Beləliklə, “Exor” “Philips”in ən böyük səhmdarına çevrilir və şirkətin müşahidə şurasına nümayəndə göndərə biləcək.

“Exor” Ferrari, “Christian Louboutin”, “Stellantis” və CNH Industrial şirkətlərinin ən böyük səhmdarıdır, “Juventus” futbol klubunun və beynəlxalq “The Economist” nəşriyyatının ortaq sahiblərinin aktivlərinə nəzarət edir.

Bu ilin mayında bildirilmişdi ki, Hollandiyanın “Philips” şirkəti Ukraynaya genişmiqyaslı müdaxiləyə baxmayaraq, Rusiya xəstəxanalarını tibbi avadanlıqlarla təmin etməyə davam edəcək.

Nicat