“Çelsi”, “Mançester Yunayted” və “Liverpul” kimi klublarda oynayan yeniyetmələr Premyer Liqada ən yüksək maaş alanlar sırasındadır. Futbol klubları gələcək ulduzları öz ixtiyarında saxlamaq üçün skautlardan istifadə edir və son bir neçə ildə yeniyetmələrə yüksək gəlirli müqavilələr təklif olunur. 

Valyuta.az “Planetfootball”a istinadən hazırda Premyer Liqada ən çox qazanan yeniyetmə futbolçuların siyahısını təqdim edir. Yazıda “Capology”nin məlumatlarından istifadə olunub.

Con Duran (“Aston Villa”) – 30 000 funt sterlinq

Duran yanvarda MLS klubu “Çikaqo”dan “Aston Villa”ya transfer olunmuşdu. Lakin Premyer Liqada meydana çıxdığı 12 matçda qol vura bilməyib. 19 yaşlı kolumbiyalı “Aston Villa”da həftəyə 30 min funt-sterlinq maaş alır. Təsəvvür edirsiniz? 19 yaşında bu vəsaitlə nə edərdiniz?

Stefan Bayçetiç (“Liverpul”) – 40 000 funt-sterlinq

Klopp fevral ayında Bayçetiç haqqında, “Ən yaxşı oyunçulardan biridir. Onunla işləmək xoşbəxtlikdir” - sözlərini söyləmişdi. 18 yaşlı oyunçu mart ayında mövsümü başa vurmasına səbəb olan zədə aldı. Lakin son mövsümdə “Liverpul”un “köhnə” yarımmüdafiə xəttinə təzə nəfəs verdi. O, Liverpul təmsilçisində həftəyə 40 min funt-sterlinq qazanır. Yaşına görə pis qazanmır.

Qabriel Slonina (“Çelsi”) - 40 000 funt sterlinq

Slonina “Çelsi”nin “çərçivə”dəki problemlərini yoluna qoymaq şansına malikdir. O, ABŞ klubu “Çikaqo”nun heyətində ardıcıl bir neçə oyunda qapsını toxunulmaz saxladı. 2023-cü ilin yanvarında yığmanı yüksək səviyyədə təmsil edən ən gənc qapıçı oldu. Həftəlik 40 000 funt-sterlinq məbləğində aldığı maaş “Çelsi”nin ona inamının göstəricisidir. 

 Alexandro Qarnaço (“Mançester Yunayted”) – 50 000 funt-sterlinq

Erik ten Haq  jurnalistlərə Qarnaço haqqında yaxşı sözlər söyləmişdi. Argentina millisinin üzvü həftədə 50 min funt-sterlinq maaş alacağı yeni müqavilə ilə mükafatlandırıldı. Bu isə onu Premyer Liqada ikinci ən çox maaş alan yeniyetməyə çevirir. Şübhəsiz, o, “Mançester Yunayted”də əla karyera qurmaq potensialına malikdir.

Karni Çukvuemeka (“Çelsi”) – 100,000 funt-sterlinq

“Aston Villa”dan uzaqlaşdırıldıqdan sonra “Çelsi”yə gələn Çukvuemeka həftədə 100.000 funt-sterlinq qazanır. Ancaq yeniyetmə keçən mövsüm yalnız iki liqa matçında oynadı. Baxmayaraq ki, bəzi keyfiyyətlərini ortaya qoymuşdu. Gənc oyunçularla işləməyi sevən Maurisio Poçettinonun gəlişi ilə o, “Çelsi”də yüksələ bilər.

Elmir