Rusiya turoperatorları tələbatın azalması səbəbindən MDB ölkələrinə şopinq turlarının satışını dayandırıb. 

Valyuta.az xəbər verir ki, bu barədə Rusiya Turoperatorları Assosiasiyasının (ATOR) icraçı direktoru Maya Lomidze bildirib.

Onun sözlərinə görə, artıq belə turların satışı mövcud deyil. Maya Lomidze qeyd edib ki, rusiyalı turistlər Rusiyada təmsil olunmayan brendləri BƏƏ və Türkiyədə alırlar. Eyni zamanda, o, qeyd edib ki, bunlar Milanda olduğu kimi alış-veriş məqsədilə səfərlər deyil.

“Artıq belə turlar yoxdur, insanlar problemlərini özləri həll edir, məsələn, Qazaxıstana gedirlər”, deyən Lomidze bu məsələnin Qazaxıstan banklarında vasitəçi olmadan həll oluna biləcəyini qeyd edib.

Paşa Məmmədli