Aralıq dənizinin mərkəzində yerləşən Türkiyə zəngin mədəni tarixə, möhtəşəm mənzərələrə və ziyarətçilər üçün çoxsaylı turistik məkanlara malikdir. Bundan əlavə çoxəsrlik və köklü mətbəx mədəniyyətinin ən gözəl dadlarını süfrələrə gətirərək qonaqlarına bənzərsiz bir qastronomik təcrübə təqdim edir.

 

Şübhəsiz ki, Türkiyədə yay mövsümündə zeytunyağlı yeməklər, tərəvəzlər və ölkənin ətraf dənizlərindən gələn yerli göyərti və dəniz məhsulları ilə hazırlanan reseptlər menyularda ən məşhur yemək seçimləridir. Gəlin isti yay günlərində "Türk üslubunda” sizi sevindirəcək yüngül, sağlıqlı və dadlı yay ləzzətlərinə göz gəzdirək …

 

 

Aralıq dənizi pəhrizinə riayət edərək Türkiyədəki tətiliniz zamanı sağlam və fit qalmaq çox asandır. Çünki uzun və sağlam yaşamaq üçün vacib olan zeytun yağının möcüzəsi günün hər yeməyinə daxil edilə bilər. Zeytun yağlı yeməklər restoranlarda kiçik boşqablarda qəlyanaltı kimi, evdə isə əsas yemək kimi təqdim edilir.

 

Türkiyə daxilində bişirilən və məzə olaraq istehlak edilən zeytun yağlı yaşıl lobya yay aylarında evlərdə əsas yemək olaraq süfrəyə verilir. Yay aylarında yeməklərin daha yüngül və sağlıqlı olması üçün ət və qiymə istifadəsi də azaldılır. Yaşıl lobya, badımcan yeməkləri, doldurulmuş üzüm yarpağı (Sarma) və ya doldurulmuş tərəvəzlər (Dolma) də istəyə görə ətsiz bişirilə bilər. Yayda təzə yaşıl otların istifadəsində artım müşahidə olunur və hər yeməkdə bol zeytun yağlı, sirkəli və ya limonlu salatlar təqdim edilir.

 

Türkiyənin harasına getsəniz, o bölgənin müəyyən bir göyərtisi ilə qarşılaşa bilərsiniz. Çünki bu geniş mənzərə hər bir bölgədə özünəməxsus biomüxtəlifliyi ilə seçilir. Məsələn Türkegenin incisi İzmirdə, mübarək tikan (şövkət-i bostan) və ya samfir (Dəniz börülcesi) kimi otların dadına baxa bilərsiniz. Egey sahilləri süfrələrinin ulduzları ənginar, balqabaq çiçəkləri və bölgəyə xas digər otlar kimi yerli tərəvəzlərdir. Yay günlərində evdə yemək olmayanda adətən qovun-qarpız və ağ pendir üçlüyü köməyə gəlir. Çanaqqala Ezine pendiri və bir neçə dilim qovun-qarpız mükəmməl, lakin yüngül bir yeməkdir.

 

 

Xoş iqlimi, heyrətamiz mənzərələri və sağlam mətbəxi ilə yanaşı, Türk Rivierası yay aylarında zeytun yağı ilə hazırlanan tərəvəz yeməklərinin geniş seçimi ilə diqqəti cəlb edir. Tahinli piyaz, yemək sevərlərin Türk Rivierasına səfərləri zamanı mütləq dadmalı olduqları delikateslərdən biridir. Quru lobya ilə tahin, soğan və pomidorun birləşməsi isti yay günündə əsas yeməyi əvəz edə bilər. Eləcə də dünyanın ən ləzzətli portağallarından biri kimi tanınan Finike portağalını mütləq dadmalısınız! Bir stəkan buz kimi Finike portağal suyu özünəməxsus ətri ilə isti yay günlərində sizi təravətləndirəcək.

 

Türkiyənin yay yeməkləri yalnız Egey və Aralıq dənizi ləzzətlərinə əsaslanmır. Yayın sevimlisi Ayran Aşı (buğda və noxudlu soyuq qatıq şorbası) Şərqi Anadolunun ən məşhur yerli yeməklərindən biridir. Anadoluya səfər edərkən müxtəlif bölgələrdə müxtəlif taxıl və toxumlarla hazırlanan bu məşhur şorbanı dada bilərsiniz. Anadoluda isti bir yay günündə Kahramanmaraş’ın Maraş dondurması sərinləşdirici bir ləzzətdir. Keçi südü və Kahramanmaraşda əkilən Maraş yabanı səhləblərinin köklərindən hazırlanan bu ləzzətli dondurma isti yay günlərində sərinləmək üçün idealdır.

 

 

Balıq Aralıq dənizi pəhrizinin vacib hissəsidir və adətən bütün yay istehlak olunur. Balıq həm də türk mətbəxinin ən vacib dadlarından biridir. Üç dənizlə əhatə olunmuş bir ölkə olaraq Türkiyə mövsümi dəniz məhsulları bolluğu ilə yaşayır. Yay ləzzətləri üçün türk menyularında çoxlu dadlı balıqlara rast gəlmək olar. Yayda balıq adətən bişirmə və ya qril üsulu ilə hazırlanır. Bəzən tərəvəz ilə buxarda bişirilir və sağlam şəkildə servis edilir. Onu da xatırlatmaq istəyirik ki, Bornova, Misketi, Əmir və Narincə kimi türk torpaqlarına xas yerli üzümlərdən ağ şərablar dəniz məhsulları, zeytun yağı və təzə yay meyvələri ilə birlikdə çox dadlıdır…

 

 

– Ayran Aşı şorbası //van.goturkiye.com/taste

 

– Zeytun yağı ilə yaşıl lobya //www.youtube.com/shorts/eYewjANnTDo

 

– Tahinli piyaz //www.youtube.com/watch?app=desktop&v=0VHIUp_-HO0

 

– Qarpız-Ezin Pendiri //gastronomy.goturkiye.com/marmara

 

– Maraş Dondurması //gastronomy.goturkiye.com/traditional-maras-ice-cream-and-its-history

 

– Buz kimi Finike portağal suyu //gastronomy.goturkiye.com/a-taste-of-the-turkish-riviera