Mərkəzi Bankın rüblük hesabatına görə, cari ilin yanvar-iyun ayları ərzində Azərbaycanın sığorta şirkətlərinin sığorta haqlarından əldə etdiyi gəlirlər 648 milyon 945 min manat olub ki, bu da ötən ilin eyni dövrü ilə müqayisədə 167 milyon 340 min manat və ya 24,2 faiz çoxdur. 2022-ci ildə bu göstərici 491 milyon 605 min manat təşkil edib.  

Cari il ərzində sığorta ödənişləri isə ötən illə müqayisədə 50 milyon 109 min manat və ya 22,2 faiz artıb. Belə ki, ötən ilin 6 ayı ərzində sığorta şirkətləri tərəfindən bu məqsədlər üçün 174 milyon 923 min manat sərf etmişdilərsə, bu il 225 milyon 032 min manat xərcləyiblər.

Valyuta.az-a açıqlama verən sığorta eksperti İlkin İbrahimovun fikrincə, sığorta gəlirləri və ödənişlərinin artmasında həyat sığortası mühüm rol oynayıb:

“Ötən nisbətən bu il daha çox sığorta yığımları baş verib. Bu fonda sığorta şirkətlərinin sığortadan əldə etdiyi gəlirlərin artması əsasən həyat sığorta növlərilə bağlıdır. İnsanların həyat sığorta növlərinə marağı artıb. Digər sığorta növlərində isə vəziyyət aşağı yuxarı sabit olaraq qalır.

Sığorta gəlirləri və sığorta ödənişlərinin artmasında rol oynayan ikinci amil isə aqrar sığorta növlərinə marağın artmasıdır. Bu il ölkədə daha çox daşqın və sellərin olduğunu müşahidə etdik. Nəticədə mövcud vəziyyətdə daha çox vətəndaş aqrar sığorta növlərindən yararlandı”. 

Ramiz