“Dostluq” İstehsal-Kommersiya Firmasının külli miqdarda vergi borcu yaranıb. 

Valyuta.az xəbər verir ki, firmanın bu günə olan vergi borcu  365 687,22 AZN-dir. 

“Dostluq” İstehsal-Kommersiya Firması 14 avqust 1997-ci ildə 12 saylı Ərazi Vergilər Baş İdarəsində qeydiyyata alınıb. Nizamnamə kapitalı  31 786.40 AZN olan firmanın hüquqi ünvanı Göygöl rayonu, Quşqara kəndində yerləşir. 

Firmanın qanuni təmsilçisi Məmmədov Babək Şirvan oğludur. Açıq mənbələrdə onun barəsində heç bir məlumat yoxdur. Firmanın Gəncədə fəaliyyət göstərdiyi bildirilir. 

Bu arada qeyd edək ki, Əmlak Məsələləri Dövlət Xidməti firmanı məhkəməyə verib. Xidmətin iddiası Gəncə Kommersiya Məhkəməsinin hakimi Rəşad Məmmədovun icraatındadır. İşin mahiyyəti icarə müqaviləsi üzrə mübahisələrdən ibarətdir. 

Bir müddət əvvəl isə “Paşa Bank” Gəncə Kommersiya Məhkəməsində iddia qaldırıb. İşin mahiyyəti ipoteka müqaviləsi üzrə mübahisələrdən ibarət olub. 

Hüseyn