“Gömrük Komitəsinin icra qurumu olaraq auditor rüsum hesablama səlahiyyəti yoxdur”. 

Bunu Valyuta.az-a açıqlamasında iqtisadçı ekspert Natiq Cəfərli Gömrük Komitəsinin gətirilən malın gömrük dəyərini müəyyən etməsi məsələsinə toxunarkən deyib:

“Gömrük Komitəsi sadəcə daxili əsasnaməyə əsasən, verdikləri qərarla özləri özlərinə bu səlahiyyəti verib. Azərbaycanda Rüsumlar haqqında qanunvericilik var, ona əsasən üç pilləli rüsum sistemi müəyyən edilib. Ona əsasən də 5 və 15 faizlik rüsumlar tətbiq edilir. Yəni dəyərin 5 və ya 15 faizi qədər rüsum tətbiq edilə bilər. Burada dəyişikliyə yol vermək qanun pozuntusudur. Gömrük Komitəsi isə səlahiyyət həddini aşaraq, iş adamlarının təqdim etdiyi rəsmi invoys qiymətlərə inanmayaraq, qiymətləndirməni özü aparır. Belə vəziyyət isə əlavə rüsum ödənişlərinə gətirib çıxarır. Ölkəyə istənilən mal gətirərkən iş adamları bu kimi problemlə üzləşirlər”. 

Problemin həlli üçün həmsöhbətimiz qanunvericiliyə əlavə və düzəlişlər etməklə, Gömrük Komitəsinə özfəaliyyətlə məşğul olmağın qadağan olunmasını təklif edir: 

“Gömrük Komitəsində xaricdən gətirilən malın qiyməti məsələsində şübhə yarana bilər. Bu mümkündür. Amma bu baş verdikdə, komitə məsələni ancaq məhkəmədə mübahisələndirə bilər. Bu olsa, Gömrük Komitəsilə bağlı yaranan əksər narazılqılar da aradan qalxacaq”. 

Ramiz