Son 12 ayda bir çox futbolçunun dəyəri kəskin şəkildə düşsə də, "Arsenal", "Barselona" və "Real" oyunçularının bazar dəyərinin yüksəldiyini görüldü. Bu oyunçuların bəziləri 2022-23 mövsümündə göstərdikləri xidmətdən sonra məşhur adlara çevrildi, digərləri isə dünya səviyyəli reputasiyalarını təsdiqləyərək yeni zirvələrə çatdılar.

Valyuta.az "Transfermarkt"a istinadən, keçən ilin iyulundan bəri ən çox dəyər qazanan futbolçuların adlarını təqdim edir.

Alexandro Balde (+46 milyon avro)

Keçən ilin bu vaxtı Balde La Masiada ("Barselona"nın futbol akademiyası) perspektivli gənc hesab olunurdu. 12 ay ərzində xeyli irəliləyən Balde "Barselona"nın ilk sol cinah müdafiəçisi seçimidir. İspaniya millisinin heyətində dünya çempionatında iştirak edən futbolçu La Liqada cəmi 20 qol buraxan "Barselona"da müdafiənin bir parçasıdır.

Kim Min-Ca (+46 milyon avro)

Cənubi koreyalı, nəhayət, Son Henq-Minin davamçısı ola bilər. Mərkəz müdafiəçisi Kim, Dieqo Maradonanın dönəmindən bəri ilk çempionluğunu qazanan "Napoli"nin müdafiə xəttində yer alıb. Güclü, sürətli və taktiki cəhətdən ağıllı, 27 yaşlı futbolçu ilə "Bavariya" və "Mançester Yunayted"in də ciddi şəkildə maraqlanması təəccüblü deyil. İstənilən Avropa nəhəngi futbolçunu almaq üçün kifayət qədər pul ödəməli olacaq.

Alexis Mak Allister (+49 milyon avro)

Dünya çempionatının son qalibi, "Brayton"un yarımmüdafiəçisi və Antarktikanı kəşf edərkən günəş kreminə ehtiyacı olduğunu deyən argentinalı futbolçu özünü ətrafdakı ən yüksək səviyyəli operatorlardan biri kimi göstərdi. O, bu yay ilkin 35 milyon funt-sterlinq ödəniş qarşılığında "Liverpul" transfer olunub.

Vinisius Junior (+50 milyon avro)

İspaniyada dözülməz səviyyədə irqçi hücumlarına məruz qalmasına baxmayaraq, Vinisius "Real" üçün göz qamaşdırmağa davam edir və Braziliya millisinin ən vacib oyunçusu statusunu Neymardan almağa yaxınlaşır. 

Viktor Osimhen (+55 milyon avro)

"Napoli" üçün 31 qol vurduqdan sonra Osimhen, Nigeriya millisinin Haalandı və ya Mbappesinə çevrilmək ümidi ilə bir çox zəngin klubla əlaqələndirilir. Təəccüblü deyil, 24 yaşlı futbolçu güclü, ağıllı və hədəf qarşısında ölümcüldür. Gözləri bağlı halda belə qol vurmaq potensialına malik hücumçu, uşaqlıq kumiri Didye Droqba ilə müqayisə edilir.

Bukayo Saka (+55 milyon avro)

"Arsenal"ın ulduzu Premyer Liqanın ən yaxşılarından birinə çevrildi. O, həm də inanılmaz dərəcədə yaxşı insandır. Keçən yaydan bəri ən çox dəyər qazanan 10 oyunçudan biri olan Saka həm də xeyriyyəçilik etdiyi üçün bir neçə dəfə dünyanın ən yaxşı insanı adına layiq görülüb. 

Randal Kolo Muani (+64 milyon avro)

12 ay əvvəlki vəziyyətinə nisbətən bu siyahıda ən təəccüblü ad, "Ayntraxt"ın və Fransa yığmasının hücumçusu Kolo Muanidir. "Nant"dan pulsuz olaraq alman klubuna transfer edilən 24 yaşlı futbolçu 45 matçda 23 qol vurmaqla Almaniyanın biznes paytaxtında sensasiyaya imza atmışdı. Kolo Muani 2022-ci ildə dünya çempionatında Fransa millisinin heyətində yarımfinalda Mərakeş üzərində qələbədə qol vuran futbolçulardan biri oldu. "Mançester Yunayted"in hücumçu ilə müqavilə imzalamaqda maraqlı olduğu barədə şayiələr var. Onun qiyməti 86 milyon funt-sterlinq dəyərləndirilir.

Enzo Fernandes (+65 milyon avro)

Onun "Çelsi"dəki çıxışları hələ də 106 milyon funt-sterlinqlik dəyərini doğrultmur, lakin son 12 ayda Benfika və Argentina üçün əsas futbolçulardan birinə çevrildi. Portuqaliya nəhəngi ilə müqavilə imzalayan yarımmüdafiəçi, Qətər 2022-də "Ən Yaxşı Gənc Oyunçu" mükafatını qazandı. Üstəlik klubunun Çempionlar Liqasının qrupunda PSJ və "Yuventus"u üstələməsində rol oynadı. "Çelsi" əzmkar, cəld fikirli və bir sıra üstünlüklərə malik futbolçunun ətrafında qızışan "tonqalları" söndürə bilsə, Fernandez mütləq parlayacaq.

Moizes Kaisedo (+69 milyon avro)

"Çelsi" və "Arsenal" hazırda Premyer Liqanın ən yaxşı yarımmüdafiəçilərindən birinə çevrilməkdə olan Kaisedonun qulağına şirin sözlər pıçıldayır. Sərtliyi və mobilliyi ilə seçilən Kaisedonu N'Qolo Kante varisi adlandırmaq o qədər də çətin deyil. Bu yay ayrılsa, "Brayton"un çox darıxacağı əla futbolçudur.

Xviça Kvaratsxeliya (+70 milyon avro)

Keçən yay Batumi "Dinamo"sundan "Napoli"yə transfer olunandan sonra Kvaratsxeliya haqqında bütün dünya danışdı. Hətta Amazon meşələrindəki ucqar qəbilələr də fərdi mükafatlar qazanan və doğma Gürcüstanda futbolun imicini əhəmiyyətli dərəcədə yüksəldən çılğın, bacarıqlı cinah oyunçusundan xəbərdar oldular.

Elmir