Redmi 9 və Redmi Note 9 smartfonları istehsalçının əvvəllər hər iki modeli EOS (həyati dövrü baaş çatmış modelləri) siyahısına əlavə etməsinə baxmayaraq, hələ də MIUI 14 yeniləməsini alacaqlar.

Valyuta.az xəbər verir ki, bu barədə XiaomiUI portalı məlumat yayıb. Redmi 9 və Redmi Note 9 hər ikisi nisbətən yeni telefonlardır, hər ikisi 2020-ci ildə buraxılıb və hələ də sərbəst satışdadır. Buna görə də, yeniləmənin ləğvi çox kəskin və qəribə görünürdü. 

Bu cür hərəkətlərdən narazı qalan istifadəçilər izahat almaq üçün şirkətə müraciət edib - və çox keçməyib: Xiaomi tez bir zamanda fikrini dəyişib və smartfonları mövcud cihazların siyahısına qaytarıb.
Xiaomi dəstəyindən gələn e-poçtların ekran görüntülərinə görə, Redmi 9 və Redmi Note 9 bu ilin 3-4-cü rübündə MIUI 14 yeniləməsini almağa başlayacaq. Bu cihazlar üçün MIUI 14 versiyası çox güman ki, Android 13-ə əsaslanacaq.

Eyni zamanda Redmi 10X/10X 4G, Redmi 10X Pro, POCO F2 Pro, Redmi 9A və Redmi K30i 5G mütləq köhnəlmiş hesab edilə bilər - onlar MIUI 14 yeniləməsini almayacaqlar.
Bu arada, artıq Xiaomi-nin MIUI 15-i nümayiş etdirməsi gözlənilir. O, yeni Xiaomi 14 flaqmanları ilə birlikdə, ehtimal ki, 2023-cü ilin dekabrında satışa çıxarılacaq.

Xatırladaq ki, Android 14 əsasında MIUI 15-in əsas xüsusiyyətləri Material You üslubunda yenilənmiş interfeys, dinamik mövzular, önizləmə rejimi, yeni Ultra HDR fotoqrafiya rejiminə dəstək, həmçinin əlavə məxfilik parametrləri olmalıdır. Bir qədər əvvəl yeni OS almayacaq smartfonların siyahısı məlum //www.unian.net/techno/eti-xiaomi-skoro-umrut-stalo-izvestno-kakie-smartfony-ostanutsya-bez-android-14-12300225.html olub.

Nicat