Ukraynanın sanksiyaları altına düşən Rusiyanın “Azimut” aviaşirkəti və Gürcüstanın “Gürcüstan Hava Yolları” Moskva ilə Tiflis arasında uçuşların sayını artırıb.

Valyuta.az xəbər verir ki, “Azimut”un mətbuat xidmətinin məlumatına görə, indi şirkət gündə bir reys yerinə iki reys yerinə yetirəcək. Səhər uçuşuna əlavə olaraq axşam reysi də təşkil olunub.

“Georgian Airways” də uçuşların sayını artırıb, lakin sosial şəbəkələrdə bu barədə təvazökarlıqla susub. İndiyədək şirkət gündə bir reys həyata keçirirdi. Bununla belə, “Azadlıq” radiosunun Qafqaz redaksiyasının məlumatına görə, şirkət bazar ertəsi, cümə axşamı və bazar günləri yerinə yetiriləcək əlavə reyslər üçün öz saytında bilet satışına başlayıb.

Qeyd edək ki, Gürcüstanın hazırkı hakimiyyəti Ukraynanın işğalı ilə əlaqədar Rusiyaya qarşı sanksiyalar tətbiq etməkdən imtina edib və onunla ticarəti artırmağa başlayıb. May ayında ölkələr arasında uzun müddətli fasilədən sonra kəsilən hava nəqliyyatı bərpa edilib.

Moskva ilə Tiflisin nümayişkaranə şəkildə yaxınlaşması Ukrayna və Qərb ölkələrinin kəskin mənfi reaksiyasına səbəb olub. Belə ki, Aİ ölkələri hava hərəkətinin bərpası ilə bağlı Gürcüstan nümayəndəsinə diplomatik demarş verib. Ukrayna hətta bu reyslərə başlayan Gürcüstan aviaşirkətinə qarşı sanksiyalar tətbiq edib.

Nicat