Türkiyənin Mədəniyyət və Turizm Nazirliyinin yaydığı məlumata görə, bu ilin yanvar-may aylarında ölkəni 57 min 885 nəfər Azərbaycan vətəndaşı səyahət edib.

Mənbə qeyd edir ki, bu, 2022-ci ilin müvafiq dövrünə nisbətən 9 900 nəfər və ya 14,7% azdır. Türkiyəyə gedən azərbaycanlılar bu ölkəyə səfər edən millətlərin 1,29 %-ni təşkil edib. 

Valyuta.az-a açıqlama verən Liberal İqtisadçılar Mərkəzinin rəhbəri Akif Nəsirlinin fikrincə, Türkiyəyə səyahət edən Azərbaycan vətəndaşlarının sayının azalması onların maddi imkanlarının aşağı düşməsilə bağlıdır: 

“Azərbaycandan Türkiyəyə səyahət edənlərin sayında azalmanın baş verməsi ilk növbədə vətəndaşların maddi imkanlarının aşağı düşməsindən qaynaqlanır. Son 3 ildə Azərbaycan əhalisinin gəlirləri ildən-ilə azalır, xərclər isə artır. Bu da ilk növbədə ölkə əhalisinin imkanlarının zəifləməsilə bağlıdır. Digər tərəfdən, 3 ilə yaxın sərhədlərin bağlanması və Azərbaycandan Türkiyə daxil digər ölkələrə təyyarə biletlərinin çox baha olması da qardaş ölkəyə gedən turistlərin sayının azalmasına öz təsirini göstərib”. 

Ramiz