Azərbaycan Həmkarlar İttifaqları Konfederasiyasının sədri, millət vəkili Səttar Möhbalıyev Naxçıvan Muxtar Respublikasına səfər edib.

Səfər zamanı Azərbaycan Həmkarlar İttifaqları Konfederasiyasının sədri Səttar Möhbalıyev, Naxçıvan Muxtar Respublikası Ali Məclis sədrinin müavini Anar İbrahimov və Naxçıvan Muxtar Respublikası Həmkarlar İttifaqları Şurasının sədri Qəzənfər Abdullayev ilk öncə ulu öndər Heydər Əliyevin abidəsinin önünə tər çiçəklər qoyub.

Naxçıvan Muxtar Respublikasında Azərbaycan Respublikası Prezidentinin səlahiyyətli nümayəndəsi Fuad Nəcəfli, Azərbaycan Həmkarlar İttifaqları Konfederasiyasının sədri Səttar Möhbalıyev və Həmkarlar İttifaqları Şurasının sədri Qəzənfər Abdullayev Şuranın inzibati binasında yenidənqurma işləri ilə tanış olub, həyətyanı sahəsində aparılan abadlıq işlərinə baxış keçirib, Qurban bayramı münasibəti ilə şəhid, qazi ailələrinə və ahıllara ümumilikdə 1250 ailəyə bayram sovqatı verilib.