Jurnalist Çingiz Səfərlini “Sürət Karqo” MMC ziyana salıb.

Valyuta.az xəbər verir ki, jurnalistə Naxçıvandan göndərilən ərik sözügedən karqo şirkətinin məsuliyyətsizliyi ucbatından yolda cürüyüb. Karqo 48 saata çatdırılmalı olsa da, ərik 72 saatdan sonra cürümüş vəziyyətdə təhvil verilib.

Bundan əlavə əriyin sişəsinin tökülməsini görən karqo əməkdaşları sahibi bilməsin deyə onu yenidən qablaşdırıblar.

Marketoloq Pərviz Əzimov Valyuta.az-a açıqlamasında bildirib ki, bağlama müştəri ilə bağlanan müqavilədə göstərilən vaxtda təhvil verilməyibsə, həm daşınma xərci, həm də məhsulun qiyməti ona geri qaytarmalıdır:

“İstehlakçıların Hüquqlarının Müdafisə Komitəsi də bu işlə məşğuldur. Müştərilər belə hallarda həmin komitəyə müraciət edir və onlar da məsələni dərhal araşdırırlar. Bu məsələdə karqo şirkəti ilə müştərinin arasında imzalanan müqaviləyə baxmaq lazımdır. Əgər orada 48 saat göstərib 72 saata təhfil veriblərsə, müştəri İqtisadiyyat Nazirliyinin tərkibində Antiinhisar Siyasəti və İstehlakçıların Hüquqlarının Müdafiəsi Komitəsinə zəng edib, haqqının tələb olunmasını istəyə bilər”.

Aylin