Sinqapurun "Changi" hava limanında polis patrul robotlarından istifadə etməyə başlayıb.

Valyuta.az xəbər verir ki, beş ildən çox keçirilən sınaqlardan sonra robot polisin müxtəlif yerlərdə istifadə ediləcəyi gözlənilir. Hər birinin boyu təxminən 1,7 metr olan robotlar hadisə zamanı əraziyə digər polis qruplarını çağırıb ətrafdakıları xəbərdar edə bilir.

Sinqapur Polis İdarəsindən beş ildən çox aparılan sınaqlardan sonra robot polisin xidmət edə biləcək səviyyəyə çatdığı bildirilib. Kameralar, sensorlar, dinamiklər, idarə paneli, flaş və xəbərdarlıq işıqları ilə təchiz edilmiş bu robotlar avtonom patrul imkanlarına malikdir və polisə ictimaiyyətlə birbaşa əlaqə saxlamağa imkan verir.

"Changi Airport Group" 2021-ci ildə ətrafın abadlaşdırılması üçün robot otbiçən maşınları işə salıb. Hava limanında təhlükəsizlik xidmətləri göstərən "Certis" şirkəti isə 2019-cu ildə patrul kimi fəaliyyət göstərə biləcək robot yol polisini sınaqdan keçirmişdi.

Elmir