Xəbər
03.06.2023 / 09:53
Seymur Talıbov yenidən ortaya çıxdı (FOTO)
28894
Naxçıvan Muxtar Respublikası Ali Məclisin sabiq sədri Vasif Talıbovun oğlu Seymur Talıbov yenidən gündəmə gəlib.
Valyuta.az xəbər verir ki, Seymur Talıbov sədri olduğu Naxçıvan Muxtar Respublikası Şahmat Federasiyasında Məktəblilərin Avropa çempionatında uğur qazanmış şahmatçılarla görüş keçirib və onları mükafatlandırıb. Bu barədə Naxçıvan MR Şahmat Federasiyası məlumat yayıb.
Qeyd edək ki, Avropa Şahmat İttifaqı (ECU) və Albaniya Şahmat Federasiyasının (ACHF) təşkilatçılığı ilə mayın 12-dən 21-dək Albaniyanın Durres şəhərində keçirilən 2023-cü il Şahmat üzrə Məktəblilərin Avropa Çempionatında Naxçıvan şahmatçıları 2 medal qazanıb. Yasin Əzimob 9 yaşlılar arasında qızıl, Mirsaleh Seyidli 13 yaşlılar arasında gümüş medala sahib çıxıb. Sadiq Məmmədov isə Beynəlxalq usta normasını tamamlayıb.
Qeyd edək ki, Seymur Talıbov bundan əvvəl Naxçıvan Dövlət Universitetinin prorektoru vəzifəsindən kənarlaşdırılıb. O, Naxçıvan Ali Məclisinin deputatı və Azərbaycan Şahmat Federasiyasının vitse-prezidentidir.
© Materiallardan istifadə edərkən hiperlinklə istinad olunmalıdır.
Mətndə səhv varsa, onu qeyd edib ctrl + enter düyməsini basaraq bizə göndərin.
Mətndə səhv varsa, onu qeyd edib ctrl + enter düyməsini basaraq bizə göndərin.
Son xəbərlər
Ən çox oxunanlar
- Bu gün
- Bu həftə
- Bu ay