Bakı Şəhər İdman İdarəsi şahmat yarışlarının təşkili ilə bağlı tenderə yekun vurub. 

Qaynarinfo xəbər verir ki, tenderin qalibi "MINA” MMC seçilib. İdarə yarışların təşkilinə 90 560 AZN xərcələyəcək.

İqtisadiyyat Nazirliyi yanında Dövlət Vergi Xidmətinin reyestr məlumatlarına əsasən, "MINA” MMC 3 noyabr 2016-cı ildə qeydiyyata alınıb. Nizamnamə kapitalı 20 AZN olan şirkətin hüquqi ünvanı İsmayıllı rayonu, İsmayıllı şəhəri, Rəsul Rza küçəsi, ev 5, mənzil 5-də yerləşir.  MMC-nin qanuni təmsilçisi Qardaşov Zaur Zahid oğludur. 

"MINA” MMC barədə açıq mənbələrdə heç bir məlumat yoxdur. 

O, eyni zamanda "İsmayıllı Quşçuluq” ASC-nin əsas səhmdarıdır. Zaur Qardaşov şirkətdə 50 fazidən artıq paya sahibdir. ASC-nin İdarə Heyətinin sədri Zaur Qardaşovun atası Zahid Qardaşovdur. 

Həm də iqtisadçı ekspert kimi tanınan Zaur Qardaşov 2020-ci ildə keçirilən növbədənkənar seçkilərdə 86 saylı İsmayıllı seçki dairəsindən namizəd olub. Məlumat üçün deyək ki, həmin dairədən Novruzəli Aslanov deputat seçilib.