3-ci ilin yanvar-aprel aylarında gömrük xətti ilə büdcə daxilolmaları əvvəlki ilin müvafiq dövrü ilə müqayisədə 24.7% artaraq 2 milyard 46,681 milyon manata çatıb.

Valyuta.az bu barədə Dövlət Gömrük Komitəsinə istinadən xəbər verir. 

Məlumata görə, gömrük rüsumları üzrə daxilolmalar 496 milyon 589.2 min manat (ötən ilin eyni dövrünə nisbətən 21% çox), əlavə dəyər vergisi (ƏDV) üzrə daxilolmalar 1 milyard 470,864 milyon manat (25.2% çox), aksizlər üzrə daxilolmalar 62.297 milyon manat (56.2% çox), yol vergisi üzrə daxilolmalar isə 17.030 milyon manat (1.5 % çox) təşkil edib.