Türkiyənin tanınmış aparıcısı, Azərbaycan həqiqətlərini dünyaya çatdıran Esra Gezgincinin “Əsrarəngiz Azərbaycan” sənədli filmi aprelin 2-dən etibarən saat 16:55-də Azərbaycan İctimai Televiziyası efirində yayımlanacaq. Gezginci eyni zamanda verilişin aparıcısı həm də təsisçisidir.

Valyuta.az-ın məlumatına görə, sənədli filmin əsas mövzusu Azərbaycanın mədəni irsi, folkloru, xüsusilə Qarabağ tarixi, həmçinin, Azərbaycan-Türkiyə dostluq-qardaşlıq münasibətləri olacaq.

Aparıcı qeyd edib ki, Azərbaycanda Bakıdan Türk dünyasının paytaxtı Şuşaya qədər uzanan səyahəti əks etdirən ümumilikdə 10 veriliş çəkilib.

Məlumat üçün bildirək ki, sənədli film daha öncə Türkiyənin NTV kanalında izləyicilərə təqdim edilib. Məşhur aparıcı Esra Gezginci, verilişdə işğaldan azad olunan rayonlarımız haqda da danışıb, Şuşanın önəmi barədə NTV izləyicilərinə ətraflı məlumat verib.