Bu ilin yanvar-avqust aylarında Azərbaycan Respublikasından dünyanın 25 ölkəsinə 8 milyard 498 milyon 812 min ABŞ dolları dəyərində və 18 milyard 771 milyon 177 kub-metr həcmində bitumlu süxurlardan alınmış xam neft və xam neft məhsulları ixrac olunub. 

Valyuta.az xəbər verir ki, bu barədə Dövlət Gömrük Komitəsinin yaydığı hesabatda bildirilib. 
 
Sənədə əsasən, yanvar-iyul aylarında isə ixracın dəyəri 7 milyard 585 milyon 825 min dollar, həcmi isə 17 milyard 106 milyon 826 min kub-metr olub. 

Bir ay ərzində ixracın dəyərində 912 milyon 987 min dollar və ya 10,75 faiz, həcmində isə 1 milyard 664 milyon 351 min kub-metr və ya 8,87 faiz artım baş verib. 

Ömər Vəzirli