2021-ci ilin yanvar-iyul aylarında Azərbaycanın MDB üzvü dövlətləri ilə ticarət dövriyyəsi ümumilikdə 2 milyard 386,5 milyon ABŞ dolları həcmində olub.

Valyuta.az xəbər verir ki, bu barədə Dövlət Statistika Komitəsinin yaydığı aylıq hesabatında əks olunub. 

Sənədə əsasən, dövr ərzində Azərbaycan MDB ölkələri arasında ən çox Rusiya ilə ticarət həyata keçirib ki, bu da ümumilikdə 1 milyard 549,5 milyon manat təşkil edib.  

İkinci yerdə Ukrayna (466,9 milyon dollar), üçüncü yerdə Belorus (198,4 milyon dollar) respublikaları dayanıb. 

Azərbaycanın hesabat dövründə Qazaxıstan ilə həyata keçirdiyi ticarət dövriyyəsinin ümumi həcmi 61.5 milyon dollar təşkil edib. Türmənistanla da aparılan ticarət dövriyyəsinin həcmi kifaəyt qədərdir və bu məbləğ 41.6 milyon dollar səviyyəsindədir. 

Cari dövrdə Qırğızıstan (5,7 milyon dollar), Tacikistan (5,5 milyon dollar) və Moldova (3,2 milyon dollar) respublikaları ilə ticarət əlaqələri çox zəif olub ki, bu da ümumilikdə cəmi 14.4 milyon dollar təşkil edib.  

Ömər Vəzirli