Prezident İlham Əliyevin bu gün imzaladığı sərəncamla Rafiq Əsgər oğlu Cəlilov Cəlilabad Rayon İcra Hakimiyyətinin başçısı təyin edilib.

Valyuta.az yeni icra başçısının dosyesini təqdim edir

Qeyd edək ki, Cəlilov Rafiq Əsgər oğlu R.Cəlilov 1963-cü il 13 yanvar tarixində anadan olub. 1984-cü ildə Azərbaycan Xalq Təsərrüfatı İnstitutunu iqtisadçı ixtisası üzrə bitirib.

Özəl sektorda, Xəzər Dəniz Gəmiçilik İdarəsində, Azərbaycan Respublikası İqtisadi İnkişaf Nazirliyində, Azərbaycan Respublikası Dövlət Əmlakının İdarə Edilməsi üzrə Dövlət Komitəsində müxtəlif vəzifələrdə işləyib.

Prezident İlham Əliyevin 14 fevral 2006-cı il tarixli sərəncamı ilə Dövlət Əmlakının İdarə Edilməsi üzrə Dövlət Komitəsinin sədrinin müavini vəzifəsinə, 10 iyul 2009-cu il tarixli sərəncamı ilə isə Əmlak Məsələləri Dövlət Komitəsinin sədrinin müavini postuna təyinat alıb. 

Azərbaycan Respublikası Prezidentinin 13 may 2020-ci il tarixli Sərəncamı ilə İqtisadiyyat Nazirliyi yanında Əmlak Məsələləri Dövlət Xidmətinin rəisinin müavini vəzifəsinə təyin edilib. Bu günə qədər də həmin vəzifədə çalışıb.

Ailəlidir, 3 övladı var.

Ömər Vəzirli