“Azərbaycanda fermerlərə əkin subdiyasının verilməsi ilə bağlı qərarda xeyli dəyişiklik var”.

Valyuta.az xəbər verir ki, bu barədə Kənd Təsərrüfatı Nazirliyinin mətbuat xidmətinin rəhbəri Vüqar Hüseynov açıqlama verib.

Onun sözlərinə görə, əvvəllər pambıq, şəkər çuğunduru və tütünə görə həm əkin, həm də məhsul subsidiyası verilirdi. 

“İndi isə yalnız məhsul subsidiyası veriləcək. Amma bu subsidiyanın məbləği hər ton üçün artırılıb. Məhsul subsidiyası pambıqda 100 manatdan 170 manata, tütündə 5 manatdan 26 manata, çəkər çuğundurunda isə 4 manatdan 12 manata qaldırılıb. Rayonlarda davamlı olaraq görüşlər keçiririk. Pambıq əkən fermerlərlə görüşlərdə bildirilir ki, məhsulun həcmi artırılsa, əkin subsidiyasına ehtiyac qalmayacaq. Yeni qaydalar onların daha çox məhsul istehsal etməsini stimullaşdıracaq”, - deyə V.Hüseynov vurğulayıb.