Bu ilin yanvar-avqust aylarında Dövlət Gömrük Komitəsinin (DGK) xətti ilə büdcə daxilolmaları 2 810,1 milyon manat təşkil edib.

Bu barədə Valyuta.az DGK-ya istinadən xəbər verir.

Belə ki, bu göstərici ötən ilin eyni dövrü ilə müqayisədə 6,2% çoxdur.

Bir il ərzində gömrük rüsumları üzrə daxilolmalar 17,7% artaraq 762,46 milyon manat, əlavə dəyər vergisi (ƏDV) üzrə daxilolmalar 1,6 % artaraq 1 913,1 milyon manat olub. 

Həmçinin, aksizlər üzrə daxilolmalar 18,3% artaraq 106,388 milyon manat, yol vergisi üzrə daxilolmalar isə 16,4 % artaraq 28,1 milyon manat təşkil edib.