“Təklif edirəm ki, bütün Mənzil Tikinti Kooperativlərinə (MTK) ilkin qeydiyyat aparmadan mənzil satışını həyata keçirmək qadağan olunsun”.

Valyuta.az xəbər verir ki, bunu “ARB 24”ün “Gündəm” verilişinə açıqlamasında hüquqşünas Vüqar Babayev deyib.

“Mütləq qaydada bütün mənzillər ilkin qeydiyyatdan keçməli və həmin yaşayış sahələrinə çıxarış alınmalıdır. Dövlət reyestrində MTK-nın satışa çıxaracağı mənzillər göstərilməlidir. Məsələn, 1-ci mərtəbədəki mənzilin nömrəsi 1, 15-ci mərtəbədəki mənzilin nömrəsi 90-dır. Bundan başqa, mənzillərin sahəsi layihəyə uyğun icra olunmalıdır. Vətəndaş isə ev alanda notariusa müraciət etməli və ödənişi MTK və ya tikinti şirkətinə etməlidir. Belə olan halda eyni mənzil bir neçə adama satılsa belə, sənəd həmin şəxsin əlində olacağı üçün o, problem yaşamayacaq”, - deyə o bildirib.