2021-ci ilin avqust ayında Azərbaycanda pul bazası 41.1 milyon manat azalıb. 

Bu barədə Valyuta.az-a Azərbaycan Mərkəzi Bankından xəbər verilib.

Belə ki, avqustun 31-də pul bazası 14 milyard 172.3 milyon manat təşkil edib. İyulun sonunda pul bazası 14 milyard 213.4 milyon manat idi.

Pul bazası dedikdə - Pul kütləsinin Mərkəzi Bank tərəfindən qısa müddət ərzində dəyişdirilə bilən hissəsi nəzərdə tutulur. Pul bazasının tərkibinə dövriyyədə olan nağd pul və bank ehtiyatları (kommersiya banklarının Mərkəzi Bankdakı müxbir hesablarının qalıqları) daxildir.

Pul kütləsi dövriyyədə olan nağd və qeyri-nağd ödəniş vasitələrinin məcmusudur.