Cari ilin yanvar-iyul aylarında Azərbaycan 72 milyon 815,45 min ABŞ dolları dəyərində 30 558,64 min ton alüminium və ondan hazırlanan məmulatları ixrac edib.

Valyuta.az xəbər verir ki, bu barədə Dövlət Gömrük Komitəsinin yaydığı hesabatda qeyd edilib.

Göstərilir ki, bu ilin yeddi ayında Azərbaycanın ixrac etdiyi alüminium və ondan hazırlanan məmulatların dəyəri ötən ilin müvafiq dövrünün göstəricisi ilə müqayisədə 42%, həcmi isə 5,7% artıb.

Məlumata görə, hesabat dövründə alüminiumun ümumi qeyri-neft sektoru üzrə ixracda payı 5,38% təşkil edib.