Azərbaycan Respublikasının 2021-ci il dövlət büdcəsindən ölkə ərazisində meşəlik faizinin artırılması məqsədilə ümumilikdə 16 milyard 891 milyon 883,0 min manat ayrılıb.

Valyuta xəbər verir ki, bu barədə Maliyyə Nazirliyinin “2021-ci ilin yanvar-iyun aylarında Azərbaycan Respublikası dövlət büdcəsinin, o cümlədən büdcə xərclərinin funksional təsnifatının pilot bölmələri üzrə proqramların icrasına dair hesabat”ında qeyd edilib.

Bu vəsaitin 16 milyard 280 milyon 319,0 min manatı meşə fondunun ərazisində meşə sahələrinin salınması və mühafizəsi, 259 milyon 564,0 min manatı meşə ilə örtülü olmayan meşə fondunun ərazilərində meşələrin bərpası üçün ting və toxumların yetişdirilməsi və 352 milyon manatı isə meşə fondunun meşələrinin qanunsuz qırılmalardan, xəstəlik və zərərvericilərdən, yanğından və digər mənfi təsirlərdən qorunması məqsədləri üçün ayrılıb. 

2021-ci il üçün təsdiq olunmuş 16 milyard 891 milyon 883,0 min manat vəsaitdən 2 milyard 381 milyon 330,1 min manat cari ilin I rübü üçün, 2 milyard 644 milyon 395,2 min manat II rüb üçün, 4 milyard 771 milyon 038,0 min manat isə ümumilikdə birinci yarımilliyi üçün icra olunub.

Bu xərclər göstərir ki, indiyə qədər dövlət büdcəsindən qeyd edilən məqsədlər üçün ayrılan vəsaitin cəmi 29,8 faizi sərf olunub. 

Qeyd edək ki, meşə fondunun ərazisində meşə sahələrinin salınması və mühafizəsi məqsəd ilə ayrılmış vəsaitin 2 milyard 335 milyon 391,7 min manatı cari ilin I rübündə, 2 milyard 597 milyon 631,3 min manatı isə II rübündə icra olunub. I yarımillik üçün xərclənən ümumi vəsait 4 milyard 933 milyon 023,1 min manatdır ki, bu da ümumi vəsaitin 30,3 faizini təşkil edir.

Meşə ilə örtülü olmayan meşə fondunun ərazilərində meşələrin bərpası üçün ting və toxumların yetişdirilməsi üçün ayrılan vəsaitin 45 milyon 938,3 min manatı birinci rübdə, 45 milyon 938,3 manatı isə ikinci rübdə sərf olunub. Birinci yarımillik üçün sərf olunan vəsait isə ümumilikdə 92 milyon 702,2 min manat təşkil edib ki, bu da ümumi vəsaitin 35,7 faizini təşkil edir.

Bildirək ki, meşə fondunun meşələrinin qanunsuz qırılmalardan, xəstəlik və zərərvericilərdən, yanğından və digər mənfi təsirlərdən qorunması məqsədi ilə ayrılmış 352 milyonb manatı hələlik rüblər dövründə icra olunmayıb və vəsait olduğu kimi büdcədə saxlanılıb.

Rövşən Ziya