Son günlər ölkənin müxtəlif müşəlik ərazilərində yağın hadisələri baş verir. Ağsu, Şamaxı rayonlarından sonra Qəbələdə də buna şahidlik etdik.
 
Bu cür halların baş verməsini təbiət hadisəsi kimi dəyərləndirənlər də var, qəsdən törədildiyini iddia edənlər də...

Maraqlıdır, meşə yanğınları hansı şəkildə baş verir? Fəlakətin qarşısını almaq, yaxud bundan daha az zərərlə qurtulmaq mümkündürmü?
 
Valyuta.az xəbərə verir ki, məsələ ilə bağlı Sfera.az-a danışan təhlükəsizlik eksperti Elmar Nurəliyev meşəyə atılmış şüşə butulkanın belə geniş yanğına səbəb ola biləcəyini deyib:
 
"Bütün dünyada olduğu kimi, həmçinin bizdə də meşəlik ərazilərdə yanğınların baş verməsinin şahidi oluruq. Ümumiyyətlə, meşə yanğınları əsasən yay aylarına daha çox təsadüf edir. Bu isə insanların istirahət vaxtına təsadüf edir. Meşə yanğınlarının statistikasında bu amil 90 faizdən çox yer tutur. Belə ki, piknik üçün dağlıq, meşəlik ərazilərə gedən insanlar təhlükəsizlik qaydalarına riayət etmədiyi üçün yanğın hadisələri qeydə alınır”.

Onun fikrincə, ümumiyyətlə, meşəlik ərazilərdə bu məsələ diqqətdə saxlanmalıdır: 

“Məsələn, tonqal tam söndürülməlir, söndürülməmiş siqaret kötüyü belə genişmiqyaslı yanğınlara yol aça bilər. Dağlıq ərazilərdə küləyin olması da yanğına şərait yaradır. Bu cür yerlərdə məişət tullantılarının təmizlənməməsi yanğın çıxara bilir. Adi şüşə butulka günəşin təsiri ilə ətrafı alovlandıra bilər".
 
Müsahibimizin sözlərinə görə, əvvəlcədən tədbirlər görülərsə yanğınların qarşısını almaq mümkün olar:
 
"Hər ərazinin coğrafi relyefinə uyğun olaraq təhlükəsizliyi qiymətləndirilməlidir. Müvafiq qurumlar dağlıq, meşəlik zonalarında təhlükəli potensial risklər nəzərə alınmalıdır. Həmin ərazidə fəaliyyət göstərən obyektlərin də təhlükəsizlik konsepsiyaları olmalı, bilməlidirlər ki, yanğın olmaması üçün nə etmək lazımdır. İctimai nəzarət, əvvəlcədən görülmüş tədbirlər olarsa bu cür hadisələr olmaz, olsa da yüngül itkilərlə qurtulmaq olar. Mütəmadi olaraq meşələrdə, dağlıq ərazilərdə məlumatlandırıcı lövhələr vurulmalı, xəbərdarlıq edilməlidir".