Azərbaycan Respublikası Dövlət Neft Fondu (ARDNF) 2021-ci il 1 iyul tarixinə 116 milyon 837 min manat həcmində vəsait dövlət büdcəsinə transfert edib.

Bu barədə Valyuta.az-a Dövlət Neft Fondundan məlumat verilib. 

Fondun 2021-ci il büdcəsinin icrası çərçivəsində ilin birinci yarısında 4 696,7 mln. manat vəsait dövlət büdcəsinə transfert edilib.

Qeyd edək ki, 2021-ci il iyunun 30-a Fondun aktivləri 2021-ci ilin əvvəlinə (43,564.3 mln. ABŞ dolları) nisbətən 1.24% artaraq 44,104.9 mln. ABŞ dolları təşkil edib. Aktivlərin artımı ARDNF-nin büdcə gəlirləri, o cümlədən vəsaitlərin idarə edilməsindən əldə edilən gəlirlər hesabına olub. Müvafiq dövr ərzində ən yüksək gəlirlilik səhm alt portfelində müşahidə olunmaqla investisiya portfelinin hər bir tərkib aktiv növü üzrə müsbət gəlirlilik qeydə alınıb.

Rövşən Ziya