Bu ilin II rübündə Azərbaycanın mənzil bazarında qiymət indeksi əvvəlki rüblə müqayisədə 100,9%, o cümlədən ilkin mənzil bazarı üzrə 101,6%, təkrar mənzil bazarı üzrə isə 100,9% təşkil edib.

Bu barədə Valyuta.az-a  Dövlət Statistika Komitəsindən məlumat verilib. 

Qeyd olunub ki, ötən ilin analoji rübü ilə müqayisədə mənzil bazarında qiymət indeksi 102,8%, o cümlədən ilkin mənzil bazarı üzrə 102,7%, təkrar mənzil bazarı üzrə isə 102,8% təşkil edib.

Bu ilin yanvar-iyun aylarında Azərbaycanın mənzil bazarında ötən ilin analoji dövrü ilə müqayisədə 2,4%-lik bahalaşma qeydə alınıb, o cümlədən ilkin mənzil bazarında qiymətlər 2%, təkrar mənzil bazarı üzrə isə 2,4% artıb.