Azərbaycan Dövlət Neft Fondu tərəfindən 2021-ci ilin iyun ayı ərzində Mərkəzi Bankda keçirilmiş valyuta hərraclarında 463.6 milyon ABŞ dolları məbləğində vəsait satılıb. 

Valyuta.az Marja.az-a istinadla xəbər verir ki, bu, may ayı ilə müqayisədə 150,9 milyon dollar və ya 48,3% çoxdur.

ARDNF tərəfindən 2021-ci ilin may ayı ərzində 312,7 milyon ABŞ dolları məbləğində vəsait satılmışdır.

Qeyd edək ki, Fond tərəfindən 2021-ci ilin yanvar ayı ərzində 644,9 milyon ABŞ dolları, fevral ayı ərzində 437,3 milyon ABŞ dolları, mart ayı ərzində 397,7 milyon ABŞ dolları, aprel ayı ərzində 509,9 milyon ABŞ dolları məbləğində vəsait satılmışdır.

DNF tərəfindən 2021-ci ilin yanvar-iyun dövründə 2 milyard 766.1 milyon ABŞ dolları məbləğində vəsait satılıb.

Qeyd edək ki, valyuta hərraclarında kommersiya bankları iştirak edə bilər.