“Ermənistanın Oxçuçayı çirkləndirməsi ilə bağlı ekoloji məsələlərlə məşğul olan aidiyyəti beynəlxalq qurumlara etirazımızı bildirmişik. Onları bölgəyə dəvət etmişik ki, gəlib baxsınlar, hər şeyi görsünlər”. 

Valyuta.az xəbər verir ki, bunu Report.az-a açıqlamasında ekologiya və təbii sərvətlər naziri Muxtar Babayev deyib.

"Bunu da ona görə etmişik ki, məsələnin ciddiliyini anlasınlar və reaksiya versinlər. Lakin hələ də heç bir reaksiya yoxdur”, - deyə nazir vurğulayıb.

Nazir ümidvardır ki, Azərbaycanın qətiyyətli tələbləri sonda nəticə verəcək: 

“Əsas tələbimiz odur ki, orada olan çirkləndirmə dayandırılsın. Həmçinin orada illik müvafiq normal su ehtiyatlarımızın istifadəsinə imkan verilsin. Yəni əsas məqsədimiz budur”.