Bu gündən etibarən "Azərbaycan Hava Yolları" (AZAL) aviaşirkəti Bakı-London-Bakı marşrutu üzrə xüsusi reyslərinin yerinə yetirilməsinə başlayır.

Bu barədə Valyuta.az-a AZAL-dan bildirilib.

Qeyd olunub ki, ilk uçuş bu gün saat 12:30-da həyata keçiriləcək. Ümumiyyətlə, sentyabrın əvvəlinədək uçuşlar həftədə bir dəfə "Airbus" təyyarələri ilə yerinə yetiriləcək.

Xatırladaq ki, daha əvvəl bu istiqamətdə uçuşların may ayından etibarən başlanması nəzərdə tutulurdu. Lakin London istiqamətində uçuşlara tələbatın aşağı səviyyədə olması ilə əlaqədar reysin açılması iyun ayına keçirilmişdi.