Milli Məclisin bu gün keçirilən plenar iclasında İnsan alverinə qarşı mübarizə üzrə Milli Koordinatorun illik məlumatı haqqında məsələ müzakirəyə çıxarılıb.

Valyuta.az xəbər verir ki, Azərbaycanın İnsan Alverinə Qarşı Mübarizə üzrə Milli Koordinatoru, daxili işlər nazirinin birinci müavini, polis general-leytenantı Seyfulla Əzimov geniş məruzə ilə çıxış edir. 

S.Əzimov çıxışı zamanı, Vətən müharibəsində şanlı qələbə ilə yadda qalan 2020-ci ildə də insan alverinə qarşı mübarizənin bir an belə səngimədiyini bildirib.

Nazir müavini qeyd edib ki, pandemiya paralel olaraq cinayətkar qruplar üçün imkanlar açıb: 

“Dünyada məcburi əmək, insan alveri kimi cinayətlər xeyli artıb. Koronavirus infeksiyasına qarşı ölkədə tətbiq edilən tədbirlər insan alverinə qarşı mübarizəyə də təsir göstərib. Bununla belə, insan alverinə qarşı fəaliyyət daim diqqət mərkəzində olub”.

Məlumat təqdim edildikdən sonra isə deputatlar məsələ ətrafında çıxış edəcəklər.