“Artıq Şuşada iki nömrəli xətt açılışa hazırdır”.

Valyuta.az xəbər verir ki, bunu “Azərenerji” ASC-nin prezidenti Baba Rzayev, Bakının Suraxanı rayonunda yenidən qurulan 220/110/10 kilovoltluq “Hövsan” yarımstansiyasının açılışında Prezident İlham Əliyevə məruzəsində bildirib.

Baba Rzayev, Şükürbəyli elektrik xəttinin və Füzuli yarımstansiyasının xəttin hazır olduğunu və ay yarıma da özünün hazır olacağını diqqətə çatdırıb.

Prezident İlham Əliyevin Suqovuşanda ermənilərin dağıtdıqları su elektrik stansiyalarının vəziyyəti ilə bağlı sualını cavablandıran “Azərenerji” ASC sədri, “Suqovuşan 1” və “Suqovuşan 2” stansıyalarının bir həftəyə təqdim edəcəyini bildirib:

“Hər iki stansiya hazırdır, işə salmışıq və test gedir”.