2021-ci ilin yanvar-mart aylarında “Şahdəniz” yatağından hasil edilən qazın ixrac həcmi 4 milyard 539,8 milyon kubmetr təşkil edib ki, bu da 2020-ci ilin müvafiq dövrünün göstəricisi ilə müqayisədə 51,5% çoxdur. 

Dövlət Statistika Komitəsindən Valyuta.az-a verilən məlumata görə, hesabat dövründə magistral qaz kəmərləri ilə nəql edilən qazın 46,3%-i “Şahdəniz” yatağından hasil edilən qazın payına düşüb.

Bütövlükdə, hesabat dövründə Azərbaycanın magistral qaz kəmərləri ilə 9 milyard 811 milyon kubmetr qaz (artım 12,8%) nəql edilib.

Qeyd edək ki, hazırda “Şahdəniz” yatağından hasil edilən qaz Gürcüstana və əsasən də Türkiyəyə ixrac olunur. Bununla yanaşı, Azərbaycan Türkiyəyə yalnız bu yataqdan qaz tədarük edir.