2021-ci il aprelin 1-i vəziyyətinə ölkədə mövcud olan iri və xırdabuynuzlu heyvanların sayı açıqlanıb.

Valyuta.az Dövlət Statistika Komitəsinə istinadən xəbər verir ki, hazırda ölkədə 8 milyon 279 min başdan çox 2 milyon 660 min başdan çox iribuynuzlu mal-qara, o cümlədən 1 milyon 287 min başa yaxın inək və camış var.

Ölkədə ev heyvanı kimi saxlanılan donuzların sayı da açıqlanıb və bu rəqəm 6135 baş təşkil edib.

Qeyd edilən dövrdə qoyun və keçilərin ümumi sayı 8 milyon 279 min başdan bir qədər artıq olub. 

Bildirək ki, 2020-ci il aprelin 1-nə nisbətən ölkədə iribuynuzlu mal-qaranın sayı 2,5 min baş (0,1 faiz), inək və camışların sayı 2,0 min baş (0,1 faiz) artıb. Qoyun və keçilərin sayı isə 106,8 min baş (1,3 faiz) azalıb.