Azərbaycan Dövlət Neft Şirkəti (SOCAR) ilk dəfə “Socar Polymer” tərəfindən istehsal olunan poliolefinlərin dəmir yolu ilə Rusiyaya ixracına başlayıb.

“Argus Media”nın verdiyi məlumatda bildirilir ki, şirkət xaricə məhsul ixracını və tədarük üsullarını şaxələndirir.

Məlumata əlavə edilib ki, bu şirkətin 2020-ci ildə dəmir yolu daşımaları zavodundakı əlavə platforma avadanlığı sayəsində mümkün olub.

“Socar Polymer” Rusiyaya polipropilenin tədarükü yanvar ayında, polietilen tədarükünü isə fevral ayında başlayıb. Ümumilikdə, 2021-ci ilin birinci rübündə Azərbaycandan Rusiyaya dəmir yolu xətti ilə 2,6 min ton polipropilenin (PP) və 2,3 min ton polietilen (PE) ixrac edib.

Dövlət Neft Şirkəti Rusiya bazarını “Socar Polymer” tərəfindən istehsal olunan PP homopolimer, PP kopolimerlər və aşağı təzyiqli polietilen ilə təmin edir.

Qeyd edək ki, şirkət Rusiyanın homopolimer, polipropilen markalarına olan tələbatının 40-60 faizini qarşılamaqla il ərzində bu markaların Rusiyaya əsas ixracatçısı olub.

“Socar Polymer” məhsullarının 2020-ci ildə əsas alıcıları Türkiyə, Rusiya və Çin olub. //Oxu.Az