Cari ay ərzində 148 min 25 sərnişin metroda ödənişini QR kod vasitəsilə icra edib.

"APA-Economics"in "Bakı Metropoliteni" Qapalı Səhmdar Cəmiyyətinə istinadən xəbərinə görə, QR biletlə ən çox ödəniş “28 May” stansiyasında qeydə alınıb (14 min 216 sərnişin). Bu üsulla ən çox QR kodla ödəniş fevralın 27-si qeydə alınıb – 6 min 858 nəfər.

Ümumiyyətlə, yalnız iş günlərini əsas götürsək, fevralın 1-də 4823 nəfər QR bilet sistemindən istifadə etmişdisə, ayın 19-dan sonra hər iş günü istifadəçilərin sayı 6 min nəfərdən artıq olub.

Qeyd edək ki, ötən ilin sonundan etibarən QR kodla gedişhaqqı mümkündür.