Azərbaycan Yerüstü Nəqliyyat Agentliyi Bakıda yeni layihəyə start verib. Beləki, paytaxtın bəzi küçələrində velosiped yolları salınır. Layihə maraqlı olsa da bəzi suallar doğurur. 

Velosiped yolları tıxac məsələsinin daha da kəskinləşməsilə nəticələnməyəcək ki? 

Valyuta.az-a açıqlamasında nəqliyyat eksperti Elməddin Muradlı bildirir ki, ictimai nəqliyyatı gücləndirməsək, insanlar şəxsi avtomobillərilə bu sürətlə axın etməkdə davam etsə, velosiped və ya avtobus zolaqlarının salınmasının heç bir əhəmiyyəti olmayacaq:  

“Bu işlər paralel şəkildə görülməlidir. Yol hamı üçün əlçatan olmalıdır. O cümlədən velosiped, skuter sürənlər, əlil və yaxud uşaq arabasında gəzənlər üçün də. Adətən düşünürük ki, yol sürücülərin olmalıdır. Belə yanaşma düzgün deyil. Yollarda daha çox ətraf mühitə ziyan vurmayan nəqliyyat vasitələrinə üstünlük verilməlidir. Velosiped zolaqlarının çəkilməsi də bu mənada müsbət addımdır. Azərbaycan 2024-cü ildə COP29 beynəlxalq tədbirinə ev sahibliyi edir. Həmin tədbirin əsas məqsədi də ətraf mühitin qorunmasıdır. Velosiped yollarının salınması da bu məqsədə xidmət edir. 2024-cü il Azərbaycanda həm də “Yaşıl dünya” ili elan olunub. Bu da onu göstərir ki, üzümüzə gələn il ətraf mühitin qorunması baxımından diqqət çəkilən il olacaq. Düşünürəm ki, bu çərçivədə velosiped və digər ekoloji təmiz nəqliyyat növlərinə üstünlük verilməsi yaxşı haldır”. 

Ramiz