“AZAL-da ciddi islahatlar ehtiyac var”. 

Bunu Valyuta.az-a açıqlamasında iqtisadçı ekspert Xalid Kərimli deyib. Onun sözlərinə görə, AZAL-da qiymət artımı ilə bağlı məsələ illərdir müzakirə olunur, amma ortada heç nə yoxdur:

“AZAL öz kefindədir. Qiymət artımı bir çox səbəbləri var. Onlardan biri həm aeroportun, həm də hava yollarının idarəetməsi AZAL-dır. Bunun biri mütləq ondan alınmalıdır. AZAL hava yolları ilə məşğul olmalıdır, aeroportu isə bir başqa qurum idarə etməlidir ki, onların maraqları fərqli olsun. Aeroportu idarə edən qurum öz işini yaxşılaşdırmaq üçün başqa hava xidmətləri göstərən qurumları da cəlb edəcək. İkinci bir məsələ odur ki, AZAL-da hava yükdaşımaları başqa özəl şirkətə ötürülüb. Bu da ona gətirib çıxarıb ki, AZAL qazanclı işləyə bilmir. Sərnişin daşınmasını AZAL təmin edir. Amma yüklərin daşınmasını “Silk Way” həyata keçirir ki, o da özəl şirkətdir”. 

İqtisadçı ekspert quru sərhədlərin bağlanmasının da bir ayrı problem olduğunu qeyd edib:

“Ölkədən çıxmaq çıxmaq mümkün deyil, vətəndaşlar məcburən AZAL-a müraciət edir. AZAL da öz kefindədir. Quru sərhədlər bağlanandan bütün sərnişinlər yönləndirilib. AZAL-da ciddi islahatlara ehtiyac var. AZAL-ın monopliyasına son qoyulmalıdır. Daha çox təyyarələrin ölkə ərazisindən keçməsi üçün şərtlərə baxılmalıdır. Bəlkə ondan sonra nəsə gözləntilər özünü doğrutdu. BUTA ilə AZAL-ın qiymətləri arasında heç bir fərq yoxdur”.

Aylin